Na sahi gar mera khayal nahi,

Na sahi gar mera khayal nahi,

Baat ko is qadar uchaal nahi

yeh to me ne bhula dia hai tujhe

is me tera koi kamal nahi

tu ne di muskra k sheh is ko

warna dil k mere majal nahi

hijr bhi do dilon ka rishta hai

is judai ka ab malal nahi

kyoun teri aankh me nami aayee

mera aisa bura to haal nahi

me kahin or reh nahi sakta

dekh dil se mujhay nikal nahi

mujh se agar rabta torna hai tujhay

mere tohfon ko youn sambhaal nahi

kaat de sar tujhe ijaazt hai

meri paghri magar uchaal nhi

yaad karne se saans rukti hai

bhool jana bhi kuch kamal nahi

pehle aadi nahi bnana tha

ab mujhay is tarha se taal nahi

maat khai hai jis se ab me ne

yeh mere dushmano ki chaal nahi

Is se bachna hai kis leye atif

yeh mohabbat koi wabbaal nahi